Printi
Detaloj: | Publikigita 15 Februaro 2018

Karaj rusianoj kaj karaj kroatianoj parolantaj kaj ŝatantaj Esperanton, la 20-an de februaro 2013 en Zagrebo, fone de jarkunveno de Unuiĝo de zagrebaj esperantistoj, estis fondita Esperanto-sekcio de la kroatia Societo pri la rusa lingvo kaj kulturo kaj estis subskribita kontrakto inter Unuiĝo de zagrebaj esperantistoj kaj Societo pri la rusa lingvo kaj kulturo, pritraktanta kunlaboron inter du organizaĵoj. Pli pri la sekcio, ĝia aktiveco kaj ĝiaj planoj ni skribos iom post iom en ĉi tiu ĝia oficiala retejo.

Sabate la 16-an de marto 2013, en ejo de Rusa nacia komunumo en Kroatio (str. Trnjanska 35, Zagreb), kroatia Societo pri la rusa lingvo kaj kulturo okazigis aranĝon por esperantistoj kaj neesperantistoj kiuj interesiĝas pri "rusaj Esperanto-temoj". Dum la aranĝo oni prezentis la unuan libron pri Esperanto el jaro 1887, kiun L. L. Zamenhof publikigis en Varŝavo (estinta tiam kadre de la Rusia imperio) kaj - en la rusa lingvo. La prezentado starigis antaŭ ĉeestintoj demandon, ĉu Esperanto estas genia projekto aŭ stultaĵo? Prelegis Mato Ŝpekuljak, prezidanto de la Societo. Li strebis argumenti, ke Esperanto neniukaze estas stultaĵo, sed tute kontraŭe - ke ĝi estas genia lingva projekto. Kvankam inter aŭskultintoj estis ankaŭ neesperantistoj (prelego kaj prezentado estis farita en la kroata lingvo) neniu el ĉeestintoj kontraŭargmentis.

Unua interna kurso de la lingvo Esperanto en Societo pri la rusa lingvo kaj kulturo sukcese komenciĝis la 11-an de aprilo 2014 en sidejo de la societo (Amruševa 13, Zagrebo, Kroatio). En ĝi pertoprenis 9 societanoj de diversaj aĝo, seksoj kaj profesioj. La kurson organizis Esperanto-sekcio de la Societo pri la rusa lingvo kaj kulturo kaj ĝin givdis Mato Ŝpekuljak, prezidanto de la societo kaj mem esperantisto. Specifeco de tiu kurso estis ke ĝi okazis en la rusa lingvo ĉar ĉiuj partoprenantoj estas membroj de la Societo pri la rusa lingvo kaj kulturo, lernas aŭ jam pli-malpli regas per la rusa lingvo. Tiamaniere la partoprenenatoj, lernante lingvon Esperanto, samtempe ekzerciĝas en la rusa lingvo. Inter parptprenantoj estis ankaŭ rusino, vivanta en Zagrebo kaj membrinta en la societo. Kvankam la rusa lingvo ne estas por kroatoj tiel malfacila por ĝin ellerni kiel iuj aliaj fremdaj lingvoj, la partoprenantoj de la kurso havas eblecon konvinkiĝi kiel facila por ellernado, kompare kun iuj ajn aliaj fremdaj lingvoj, estas Esperanto.


Dum nur unu horo kaj duono partoprenantoj ellernis preskaŭ la tutan gramatikon de la lingvo internacia kaj poste oni planis praktiki konversacion, kanti kantojn, legi artikolojn el gazetoj kaj revuoj, lerni literaturaĵojn, korespondi kaj praktiki videopontojn kun rusiaj, belorusiaj, ukrainiaj kaj alilandaj esperantistoj kaj Esperanto-kluboj, partopreni en internaciaj Esperanto-aranĝoj. Oni planis organizi en la societejo ankaŭ Esperanto-vesperojn kun temoj el rusia, belorusia kaj ukrainia historio, kulturo kaj ĉiutaga vivo, malfermitaj por ĉiuj zagrebaj esperantistoj. La plano, bedaŭrinde, ne estis realigita ĉar neniu Esperanto-organizo (nek iu jan individua esperantisto) el Rusio, Belorusio, Ukrainio apogis intencon kaj partoprenantoj de la kurso perdis intereson plu lerni la lingvon internacian. 

Ni antaŭdankas por ĉiu apogo kaj, precipe, por preteco individue aŭ klube/societe partopreni vigligon de kontaktoj, amikeco kaj kunlaboro inter rusiaj kaj kroatiaj esperantistoj, inkluzive interŝangon de diversaj materialoj, korespondadon kaj reciprokajn vizitojn. Skribu al ni laŭ adreso: Tiu ĉi retpoŝtadreso estas protektata kontraŭ spamrobotoj. Vi devas ebligi Ĝavaskripton por vidi ĝin.