Copyright 2021 - Udruga za ruski jezik i kulturu, Zagreb, Hrvatska - Хорватия - Kroatio

Skotlando estas malgranda (kaj, jes, pitoreska) lando kie la plimulto de la loĝantaro vivas en la centra ebenaĵo inter la orienta marbordo (Aberdeen kaj Dundee) kaj Glasgovo (Glasgow) en la sudokcidento. La nuna enloĝantaro konsistas el 5 milionoj da homoj: ne multe ŝanĝiĝis dum la pasinta jarcento.  

La "nacia" religio (kvankam ne oficiala) estas la protestanta "Eklezio de Skotlando", kun iom malpli ol 1 miliono da subtenantoj; krome, estas pluraj aliaj, malpli grandaj protestantaj eklezioj, inkluzive Episkopan eklezion, asociitan kun la Nacia eklezio de Anglio.  La alia granda eklezio en Skotlando estas la (Rom)katolika, al kiu apartenas la familioj de multaj irlandaj, italaj kaj polaj enmigrintoj: ĝi havas ĉirkaŭ 600 000 da subtenantoj. La plimulto de la popolo, tamen, estas nereligiaj:  malpli ol 10% vizitas la preĝejon ĉiusemajne (eble 20% entute iam dum la jaro?)

Kontraste kun grandaj eklezioj (kaj maleklezio!) la unitarianaro estas malgranda:  ĝi konsistas el maksimume 500 homoj, el kiuj eble 150 regule ĉeestas unu el 4 preĝejoj, en Glasgovo, Edinburgo (la ĉefurbo), Aberdeen kaj Dundee.  Ankaŭ ekzistas Unitaria fratularo por tiuj (kiaj mi) kiuj ne povas facile ĉeesti preĝejon. La Fratularo havas proksimume 100 membrojn, multaj el kiuj ankaŭ de tempo al tempo vizitas unu el la preĝejoj. Ĉiu preĝejo aktuale havas pastron  -  sed ne reale ĉiam estas tiel ĉar mankas kaj mono kaj kandidatoj por tiuj postenoj.

Jen la sep principoj de Unitariana Universalista Asocio de Usono en traduko en Esperanton kaj origine en la angla:

Ni, la membraj kongregacioj de la Unitariana Universalista Asocio, interkonsentas por aserti kaj antaŭenigi:

(1) la imanenta valoro kaj digno de ĉiu persono;
(2) justeco, egalrajteco kaj kompato en homaj rilatoj;
(3) akcepto unu de la alia kaj kuraĝigado al spirita kresko en niaj kongregacioj;
(4) libera kaj respondeca serĉo por vero kaj signifo;
(5) rajto de konscienco kaj la uzo de la demokrata procedo en niaj kongregacioj kaj en la pli granda socio;
(6) la celo de monda komunumo kun paco, libereco, kaj justeco por ĉiuj;
(7) respekto por la interdependa teksaĵo de ĉiuj estaĵoj de kiu ni estas  parto.

We the member congregations of the Unitarian Universalist Association, convenant to affirm and promote:

(1) the inherent worth and dignity of every person;
(2) justice, equity, and compassion in human relations;
(3) acceptance of one another and encouragement to spiritual growth in our congregations;
(4) a free and responsible search for truth and meaning;
(5) the right of conscience and the use of the democratic process within our congregations and in society at large;
(6) the goal of world community with peace, liberty, and justice for all;
(7) respect for the interdependent web of all existence of which we are a part.

Vi rimarkos ke ne estas indiko ke oni eĉ devas kredi je Dio.  La ĉefa principo rilate al kredado estas la libero kredi tion, kion oni opinias ke estas vera, kaj tio povas ŝangi kiel oni havas novajn spertojn kaj eksciojn.

El la angla en Esperanton traduskis: Ronald J. Glossop (Usono)

Fonto de la fotografaĵo: oficiala retejo de UUA: http://www.uua.org/